சர்வதேச மகளிர் தினத்தை முன்னிட்டு Yeheli.lk தளத்தில் 24/7 மும்மொழி AI Chat & Voice வசதியை Dialog அறிமுகப்படுத்துகிறது

இலங்கையின் முதற்தர இணைப்புச் சேவை வழங்குநரான டயலொக் ஆசிஆட்டா பிஎல்சி, சர்வதேச மகளிர் தினத்தை முன்னிட்டு, நாட்டின் முதலாவது இலவச, மும்மொழி மற்றும் இரகசியத் தன்மையுடனான டிஜிட்டல் ஆலோசனைத் தளமான Yeheli.lk இல் புதிய AI Chat & Voice Bot வசதியை அறிமுகப்படுத்தியுள்ளது. பொறுப்பான மற்றும் அனைவரையும் உள்ளடக்கிய செயற்கை நுண்ணறிவு (AI) தீர்வுகளை மேம்படுத்துவதற்கான நிறுவனத்தின் 'Dialog AI' முன்முயற்சியின் கீழ் உருவாக்கப்பட்டுள்ள இந்த மேம்படுத்தல், இலங்கை முழுவதும் உள்ள குடும்பங்களுக்கு பாதுகாப்பான மற்றும் எளிதில் அணுகக்கூடிய டிஜிட்டல் ஆதரவை விரிவுபடுத்துகிறது. இது நிஜமான மனிதத் தேவைகளை நிவர்த்தி செய்ய தொழில்நுட்பத்தைப் பயன்படுத்துவதன் மூலம், 'The Future. Today.' எனும் Dialog நிறுவனத்தின் அர்ப்பணிப்பை இது பிரதிபலிக்கிறது.

தேசிய மனநல நிறுவனம் (NIMH), Without Borders, Doc990 மற்றும் 'ஹிதவதி' (Hithawathi) ஆகிய நிறுவனங்களுடனான கூட்டாண்மை மூலம் Yeheli.lk இயங்குகிறது. இது மருத்துவ நிபுணத்துவம், ஆலோசனை சேவைகள் மற்றும் டிஜிட்டல் சுகாதார அணுகல் ஆகியவற்றை ஒன்றிணைத்து, பயனர்களுக்குத் தேவையான மேலதிக உதவிகள் மற்றும் தொழில்முறை ஆதரவை நோக்கி அவர்களை வழிநடத்துகிறது. புதிதாக அறிமுகப்படுத்தப்பட்ட இந்த AI வசதி, சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் 24/7 Chat மற்றும் Voice ஆதரவை வழங்குகிறது. இதன் மூலம் நாட்டின் எந்தப் பகுதியிலிருந்தும், எந்த நேரத்திலும் எவரும் இலவசமாகவும் இரகசியமாகவும் ஆலோசனைகளைப் பெற முடியும்.

தனிப்பட்ட கேள்விகளை எவ்வித தயக்கமுமின்றி கேட்கக்கூடிய பாதுகாப்பான டிஜிட்டல் இடமாக Yeheli.lk திகழ்கிறது. இது மனநல ஆரோக்கியம், குடும்பம் மற்றும் உறவுமுறைச் சிக்கல்கள், தனிப்பட்ட நல்வாழ்வு மற்றும் பிற ஆரோக்கியம் சார்ந்த விடயங்கள் குறித்த தகவல்களை வழங்குகிறது. இந்த AI Chat & Voice Bot பயனர்களின் கவலைகள் மற்றும் அவர்களுக்குக் கிடைக்கக்கூடிய தெரிவுகளைப் புரிந்துகொள்ள ஆரம்பகட்ட ஆதரவை வழங்குவதோடு, மேலதிக நிபுணத்துவ உதவி தேவைப்படும்போது தகுதியான நிபுணர்கள் மற்றும் கூட்டாளர் அமைப்புகளுக்கு அவர்களை வழிநடத்துகிறது. இத்தளம் தொடர்ந்தும் பயனர்களின் பெயர் மற்றும் விபரங்களின் இரகசியத்தன்மைக்கு முன்னுரிமை அளிக்கிறது.

Dialog AI-இன் ஒரு பகுதியாக, இந்த முன்முயற்சியானது பயனர்களின் தனியுரிமை மற்றும் நம்பிக்கையைப் பாதுகாக்கும் அதேவேளையில், நிஜமான மனித சவால்களுக்குத் தீர்வுகாண செயற்கை நுண்ணறிவைப் பயன்படுத்துவதற்கான நிறுவனத்தின் அணுகுமுறையைப் பிரதிபலிக்கிறது. "The Future. Today." எனும் தனது வர்த்தகநாம வாக்குறுதிக்கு இணங்க, நல்வாழ்வு ஆதாரங்களுக்கான அணுகலை விரிவுபடுத்தவும், இலங்கை முழுவதும் டிஜிட்டல் உள்ளடக்கத்தை (Digital Inclusion) வலுப்படுத்தவும் வளர்ந்து வரும் தொழில்நுட்பங்களை Dialog பொறுப்புடன் பயன்படுத்தி வருகிறது. மும்மொழி அணுகலை வலுப்படுத்துவதன் மூலமும், புவியியல் எல்லைகளுக்கு அப்பாற்பட்டு அதன் சேவையை விரிவுபடுத்துவதன் மூலமும், இந்த மேம்படுத்தல் பொறுப்பான கண்டுபிடிப்புகளுக்கான Dialog-இன் அர்ப்பணிப்பை உறுதிப்படுத்துகிறது.

இது குறித்து டயலொக் ஆசிஆட்டா பிஎல்சி இன் குழும தலைமை கூட்டாண்மை அதிகாரி (Group Chief Corporate Officer) அசங்க பிரியதர்ஷன கருத்துத் தெரிவிக்கையில்: "Dialog AI இன் கீழ் Yeheli.lk இல் அறிமுகப்படுத்தப்பட்டுள்ள AI Chat & Voice Bot வசதியானது, தனிநபர்கள் நம்பிக்கையுடன் வழிகாட்டல்களைப் பெறக்கூடிய பாதுகாப்பான மற்றும் அனைவரையும் உள்ளடக்கிய இடங்களை உருவாக்க தொழில்நுட்பத்தைப் பயன்படுத்துவதற்கான எமது அர்ப்பணிப்பை வெளிப்படுத்துகிறது. சர்வதேச மகளிர் தினத்தை முன்னிட்டு, இந்த மேம்படுத்தல் இரகசியமான மற்றும் மும்மொழி ஆதரவிற்கான அணுகலை விரிவுபடுத்துவதோடு, தேவைப்படும்போது பயனர்களை பொருத்தமான நிபுணத்துவ சேவைகளுடன் இணைக்கிறது."

இந்த அறிமுகமானது, Dialog நிறுவனம் தான் பணியாற்றும் சமூகங்களுக்கு அப்பால் கொண்டுள்ள பன்முகத்தன்மை, சமத்துவம் மற்றும் உள்ளடக்கம் (DEI) மீதான பரந்த அர்ப்பணிப்பையும் பிரதிபலிக்கிறது. இந்த முயற்சிகளை அங்கீகரிக்கும் விதமாக, இலங்கை வர்த்தகச் சபையினால் ஏற்பாடு செய்யப்பட்ட DEI Champions Awards 2025 இல் டயலொக் ஆசிஆட்டா பிஎல்சி இற்கு 'Best DEI Initiative' எனும் தேசிய விருது வழங்கப்பட்டது. ஐரோப்பிய ஒன்றியம் மற்றும் ஜெர்மன் கூட்டாட்சி வெளிவிவகார அலுவலகத்தின் நிதி உதவியுடன் 'SCOPE' திட்டத்தின் கீழ் இந்த விருது வழங்கப்பட்டது. அனைவரையும் உள்ளடக்கிய சூழலை உருவாக்குவதிலும், டிஜிட்டல் கண்டுபிடிப்புகள் அனைத்து சமூகங்களின் நல்வாழ்வுக்கும் அதிகாரமளித்தலுக்கும் அர்த்தமுள்ள பங்களிப்பை வழங்குவதை உறுதி செய்வதிலும் Dialog இன் தொடர்ச்சியான கவனத்தை இந்த அங்கீகாரம் அடிக்கோடிட்டுக் காட்டுகிறது.

மேலும், இந்த முன்முயற்சியானது Dialog இன் பரந்த நிலைத்தன்மை (Sustainability) மற்றும் ESG (சுற்றுச்சூழல், சமூகம் மற்றும் ஆளுமை) அர்ப்பணிப்புகளுடன் ஒத்துப்போகிறது. நல்வாழ்வு ஆதாரங்களுக்கான அணுகலை விரிவுபடுத்தவும், தனிநபர்கள் நம்பிக்கையுடன் தகவலறிந்த முடிவுகளை எடுக்கவும் டிஜிட்டல் உள்கட்டமைப்பை எவ்வாறு பயன்படுத்தலாம் என்பதை இது நிரூபிக்கிறது.

இந்த AI Chat & Voice Bot வசதியானது இப்போது www.yeheli.lk இணையதளத்தில் இலவசமாகக் கிடைப்பதுடன், இலங்கை முழுவதும் உள்ள பயனர்கள் இதனை 24/7 நேரமும் அணுக முடியும்.